Esku-pilotako CMO kluben arteko ligaren azken jaialdiak Tolosako Beotibar pilotalekuan jokatuko dira. Finalerdiak hilaren 8an eta 15ean izango dira eta final handia San Joan jaien baitan, ekainaren 22an.
Lehen finalerdian Aurrerako pilotariak (Leitza) eta Larraungoen (Lekunberri) kontra arituko dira. Kadeteen mailan, Bidartek eta Zubillagak, Lasoren eta Otamendiren aurka jokatuko dute. Gazteen mailan, Sagastibeltza Alkorta bikoak, Nazabal - Telletxearen kontra jokatuko du eta nagusietan Txoperenak eta Goikoetxeak, Galarza eta Sotilen kontra jokatuko dute.
Finalak telebistan
Igandeko irabazleek ekainaren 22an jokatuko du finala Beotibarren. Jaialdi hau ETBk zuzenean emitituko du, goizeko 10:45etik aurrera.