Euskal Herrian Euskaraz herri mugimenduak elkarretaratzea deitu du Inauterietako igandean jazotako eraso euskarofoboaren harira.
Jakitera eman denez, Renfeko segurtasun kide batek EHEko beste bi kide erasotu zituen, honi euskaraz hitz egiteko eskatzeagatik. EHEk dioenaren arabera, Renfeko langilea euskaldunon aurkako mezuak oihukatuz, elkarteko kidea lurrera bota zuen "Hau Espainia da" esanez, eta EHEko kideari gaztelaniaz mintzatzeko exijituz.
Hori dela eta, EHEk elkarretaratzea burutuko du ostegunean, martxoaren 13an, 19:00etan Geltoki kaleko tren-geltokiaren atarian, Tolosan; bi militanteei elkartasuna adierazteko eta euskaldunon aurkako zapalkuntza oro salatzeko.