Tolosako neskek asteburuan amaitu dute 3. mailako liga. Denboraldia bukatu berritan, klubak sare sozialen bidez jakinarazi du hurrengo denboraldian Raul Camarero entrenatzaileak ez duela emakumezkoen lehen taldeko entrenatzaile lanak egiten jarraituko. Aurreko denboraldiaren amaieran hartu zuen Camarerok taldearen ardura, bi denboraldietan lortu du Tolosarekin mailari eustea. Denboraldi honetan, 10. postuan amaitu du liga taldeak, 30 partidatan 41 puntu lortu ditu.
𝐀𝐃𝐈𝐄𝐑𝐀𝐙𝐏𝐄𝐍 𝐎𝐅𝐈𝐙𝐈𝐀𝐋𝐀
— Tolosa C.F. Futbola (@tolosacf_) May 13, 2024
𝐑𝐚ú𝐥 𝐂𝐚𝐦𝐚𝐫𝐞𝐫𝐨𝐤, ez du emakumezkoen lehen taldeko entrenatzaile izaten jarraituko.
Aurreko denboraldi amaieran hartu eta taldea 𝟑.𝐑𝐅𝐄𝐅-n 2 urtez mantendu du.👏🏻
Eskerrik asko Raúl!!💙🫡#aupaurdiñak #emakumezkoenfutbola pic.twitter.com/z467UjEFzC
Entrenatzailearen agurraz gain, beste lau jokalarik ere utziko dute taldea. Izaro Goenak, Eider Tejeriak, Lore Etxaburuak eta Elena Zubiaurrek taldea utziko dutela jakinarazi du klubak.