Baserritar, ekoizle, industria-jarduera eta eragile gastronomikoekin elkarlanean landutako 5 lankidetza proiektu gauzatuko dira
Elikerrek 2023ko ekintza plana aurkeztu du gaur eguerdian egindako bilera irekian. Bertan, elikadura sektoreko eragileekin elkarlanean etorkizuneko erronkei aurre egiteko eta enpresen garapen jasangarria sustatzeko martxan jarri dituen edota jarriko dituen proiektuen berri eman du.
Barazkiak merkaturatzeko eredu berritzaileak, gozogintza berriaren gida, haragi soberakinak berrerabiltzeko gida, packaging aukera berriak edo alkohol maila baxuko edarien sorrera dira jorratu diren gaiak.