EH Bilduk Tolosako eta eskualdeko alkategaiekin aurkezpen ekitaldia egin du
Bertan, Tolosaldearentzako eta Gipuzkoarako EH Bilduk duen proiektu komunitarioa aurkeztu dute. Proiektua, herritarrekin elkarlanean sortu dutela eta motibazio kolektiboaren ondorio izan dela aipatuz.
Eskualdeko erronken artean, merkataritza biziberritzea, lehen sektorea indartzea, osasungintza eta eskualdeko auzo ezberdinen nahiak dituztela aipatu ditu Mtz. de Rituertok.
Langileak erdigunean jarri nahi dituztela ere aipatu dute, "herriari kalitatezko zerbitzua eskaintzeko erabat beharrezkoa dena" gehituz, kiroldegiko langileen grebari ere keinu eginez. Tolosak, eskualdeko garapenerako motorra izan behar duela ere jakinarazi dute, zenbait proiektu eta erakunde aipatuz, eskualdeko ospitale publikoa, emakumeen etxea eta eskualdeko euskara maila tartean.
Proiektu hauekin, komunitate izaera indartzea helburu dutela eta elkarrenganako zaintza bultzatu nahi dutela adierazi du Tolosako EH Bilduren alkategaiak. Bizitza duinak eta aukera aberasgarriak sortzea direla beraien helburu nagusiak, herritarren ahalduntzea eta komunitatea sortuz.