TOLOSA. Astelehen honetan, maiatzak 13, ez-ohiko Osoko Bilkuran, EAJ-PNV’ko Udal Taldea aurrekontu-kreditu bat onartzearen alde azaldu da, Udaleko langileei aukera emango diena aurreko legegintzaldian Udalbatzak onartutako lanpostuen balorazio-prozesuaren ondoriozko ordainsariak kobratzeko.
Alderdi jeltzaleak egungo Gobernu taldeari gogorarazi dio aurreko Udal Gobernuak bultzatu zuela lanpostuen balorazio prozesua, eta EH Bildu horren aurka agertu zela orduan.
Gaur, bitxia bada ere, EH Bilduk bere egin du balorazio hori osotasunean, eta urtebete pasa ondoren, aurreko legealdian egindako lanaren emaitzean koma eta xentimo bakar bat ere ez ditu aldatu.