Igogailua jarriko du Udalak Arroa auzoko Fleming Herri Eskolan

Erabiltzailearen aurpegia Villabonako Udala

Ikastetxearen beheko solairuaren eta goiko solairuen arteko irisgarritasuna bermatuko da lan honekin. 

Arroako Fleming Herri Eskolaren eraikinean igogailu bat jartzeko obrak hasi ditu Udalak aste honetan. Horrela, ikastetxearen beheko solairuaren eta goiko solairuen arteko irisgarritasuna bermatuko da. Orain arte, eraikinak ez zuen sarbide irisgarririk ahalbidetzen zuen baliabide mekanikorik, eta hori oztopo arkitektonikoa zen ikasle eta langileentzat.

Udalak 46.655,56 euroko inbertsioa egin du eta lanak Eslaban Obras y Servicios S.L. enpresa ari da gauzatzen. Lanak irailean amaitzea aurreikusten da.

Udalak dirulaguntza eskaera bideratu du Eusko Jaurlaritzako Hezkuntza sailera eta horrela inbertsioaren kostuaren %60a berreskuratzea espero du.

Ezinbestekoa den inbertsio berri hau udalbatzako alderdi politiko guztien eta Fleming Herri Eskolako komunitatearen artean adostu da, Udalak herriko ikastetxe publikoaren azpiegitura eta instalakuntzak hobetzera bideratutako inbertsioen plangintzaren baitan.

Udala, eskola publiko inklusibo eta guztiontzako irisgarri baten aldeko konpromisoan berresten da.

DESKARGATU GURE APPa!

Bilatu 28 Kanala zure Android eta iOS aplikazio bilatzailean eta deskargatu. bertan 28KanalaKide txartel digitalak eskaintzen dizuten abantailez gozatzeko aukera izango duzu.


APLIKAZIOA