Bost umorista, zuzeneko musika, edariak eta krispetak. Hori topatuko dute abenduaren 23an, 19:00etan, Gure Zirkuak Tolosan duen karpara gerturatzen direnek. Galtzaundiren eta Gure Zirkuaren eskutik, publikoa barrez lertzeko helburua izango dute Antton Telleriak, Jone Bengoak, Julen Portillok, Kike Amonarrizek eta Nerea Arriolak. Umoregileek bakarrizketa laburrak egingo dituzte eta horretarako giro ezin aproposagoa sortzeko zuzeneko musika ere egongo da ordubete pasatxoko saioan.
Gure umorea jaialdirako sarrerak salgai daude online www.gurezirkua.eus webgunean, eta presentzialki Galtzaundi Tolosaldeko Euskaltzaleen Elkartearen egoitzan (Plaza Berria, 1). 15 euroko prezioa dute sarrerek.
Bilatu 28 Kanala zure Android eta iOS aplikazio bilatzailean eta deskargatu. Bertan 28KanalaKide txartel digitalak eskaintzen dizuten abantailez gozatzeko aukera izango duzu.
