Deialdiaren oinarriak GAOn eta Irurako udaleko web orrialdean daude eta bertan ikus daitezke kontutan hartu eta baloratuko diren puntuak: titulazioa, ikasketak, lan eskarmentua, euskara maila egiaztatzen duen agiria, besteak beste. Begirale izateko eskaera egitearekin batera, derrigorrezko dokumentuak eta merituak baloratzeko agiriak egoitza elektronikoko S/I Erregistrotik aurkeztu beharko dira. Izena ematen duten haur eta nerabeen kopuruaren arabera, baldintzak alda daitezkela jakinarazi du Irurako Udalak.
Izen emateko epearen ondoren, hautaketa prozesuarekin hasiko da Irurako Udala. Bertan, merituak baloratzeaz gain, talde dinamika bat egingo da. Dinamika hauetarako parte hartzaileen ordutegia apirilaren 29an argitaratuko da udalaren web orrian, eta maiatzaren 5ean eta 9an burutuko dira.
Hezitzaile lanetarako kontratatua izateko, beste baldintza batzuez gain, ezinbesteko izango da 16 urte izatea, Derrigorrezko Bigarren Hezkuntza tituluaren jabe izatea, euskaraz jakitea, natura sexualeko delituenganako aurrekari penalik ez izatea eta prestaketa asteburuan parte hartzea. Prestaketa asteburua maiatzaren 30 eta 31n izango da.
Aurten, aisialdiko begirale titulua lortzeko lehen praktikak burutu nahi dituztenentzat, gehienez lau plaza eskainiko dira. Hauek, matxoaren 27tik apirilaren 28ra egin beharko dute eskaera baita ere.