Gipuzkoako Foru Aldundiak udalerri txikietako errepideak hobetzeko diru-laguntzak onartu berri ditu eta, Ikaztegietari dagokionez, San Lorentzo auzuneko errepideko trafikoa antolatu eta segurtasuna handitzeko hobekuntza lanak finantzatzen lagunduko duela adierazi du. Aurreikuspena da lan horiek udazkenerako prest izatea.
Zehazki, seinalizazioa eta segurtasuna hobetzeko lanak lagunduko ditu diruz Aldundiak 6.119,58 eurorekin. Diru-laguntza honekin, Aldundiak lanen % 85 finantzatuko du (aurrekontu osoa 7.199,80 eurokoa baita).