Ibarrako Udalak argitaratu du piktograma berriekin egokitu dituela herritarrentzako zebrabideak. Helburua, herritarren segurtasuna bermatzea da, bereziki haurrena, adinekoena eta autismoaren espektroko nahasmenduak dituzten pertsonena (AEN).
"GELDITU, BEGIRATU, KOTXEA GELDIRIK ETA GURUTZATU " adierazten duten piktograma horiek herriko mugikortasuna seguruagoa eta inklusiboagoa izatea bermatuko dute. Gaitasun mugatuak dituzten pertsonentzat eginak daude, ohiko trafiko-seinaleak gainerako herritarrek bezala ulertzen ez dituztenentzat. Bereziki, lagungarriak dira dibertsitate funtzional edo kognitiboren bat duten herritarrentzat ere.
Udalak, piktograma hauek mugimendu handia dagoen herriko beste zebrabideetan ere margotzea aurreikusten du.