Lauburuk play offa jokatzea ziurtatuta duen arren, azken jardunaldian dena eman beharko du, sailkapeneko bigarren postuan bukatu dezake denboraldia Ibarrako taldeak. Horretarako talde moreak Albeldaren kantxan irabazi eta Otxartaberen hutsegitea behar du. Ibartarrek etxeko lanak egin, eta bilbotarrek Pinsequeren aurkako lehia irabazi ezean bigarren postua Lauburuk lortuko luke. Larunbatean arratsaldeko 18:00etan jokatuko dira lehia guztiak.
Erizaindegitik ere albiste onak
Azken jardunaldian lesionatuta egon diren Victor eta Rafa taldera itzuliko dira. Gorkak, bost hilabeteko geldialdiaren ondoren, asteburuan jokatu zuen berriz. Goierrikoak irribarrea berreskuratu zuen bere soleoko hausturatik errekuperatzeko osatze-bide luze eta gogor baten ondoren.