Ibarrako udaleku irekien izen ematea maiatzaren 10, 11 eta 12an

Maider Navarro Alustiza 2023ko mai. 4a, 13:10

Ibarrako udala

Ibarrako udala, uda sasoian eskaintzen duen Udaleku Irekiak antolatzen ari da, herriko haurrek euskaraz eta berdintasunean jolastu eta herriaz gozatzeko aukera izan dezaten. 2013-2020 urteetan jaiotako haurrei eskainiak izango dira udalekuak, ekainaren 26tik uzatailaren 21era, astelehenetik ostiralera goizez (9:00tatik 13:00tara).

Izena emateko aukera maiatzaren 10 eta 11n, 17:00etatik 19:00etara eta maiatzaren 12an, 11:00etatik 13:00tara eta 17:00etatik 19:00etara Txiribituko lokalean izango da. Osasun txartelaren kopia, argazkia eta kontu korrontearen ziurtagiria nahitaezkoak izango dira.

Guraso bilera ere antolatu dute ekainaren 21ean, 19:00etan, udaletxean.

DESKARGATU GURE APPa!

Bilatu 28 Kanala zure Android eta iOS aplikazio bilatzailean eta deskargatu. bertan 28KanalaKide txartel digitalak eskaintzen dizuten abantailez gozatzeko aukera izango duzu.


APLIKAZIOA