Anoetako Udalak eta Anoetako Erasoen Aurkako batzordeak herrian larunbat gauean eraso sexistak izan zirela jakinarazi du. Udalak helarazitako oharrak "gaitzespen tinkoa" azaltzen du eta erasoa jasan duten emakumeei eta ingurukoei "babes osoa" eskaintzen die. Informazio eta baliabide guztiak emakumeen esku jarriko dituztela gehitzen du oharrak eta egoerari aurre egiteko prozesuan laguntza eskaintzen die.
Honela, emakumeen aurkako indarkeriari erantzun publikoa emateko protokolo instituzionala aktibatu dute. Horren baitan, gaur arratsaldeko 19:00etarako herriko plazan elkarretaratzea deitu dute.