Iaz Donostia Klasikoan parte hartu eta datorren astean Itzulia ezagutzeko aukera izango du
Itzulia Basque Country lasterketaren 3. etaparen azken kilometroak Tolosaldean osatuko dira. Unai Iribar txirrindulari ibartarrak lehenengo aldiz parte hartuko du lasterketa honetan, Euskaltel-Euskadi taldeak aukeratu baitu. Nahiz eta oso maila altua izan, gogotsu eta ondo prestatuta dagoela adierazi du Iribarrek.
Apirilaren 3an emango zaio hasiera Itzuliari eta apirilaren 5a izango da etaparik bereziena txirrindulari ibartarrarentzat, eskualdeko errepideetan barrena gozatzeko aukera izango baitu.
Taldearen izaera borrokalaria erakustea, emaitza onak lortzea eta Euskaltel-Euskadi taldea protagonista izatea izango dira helburu nagusiak Iribarren hitzetan.