"Denon bizitzak erdigunean" lemapean ehunka herritar irten dira kalera Villabona eta Zizurkil artean egin den manifestazioan. Aiztondoko Mugimendu Feministak deituta arratsaldeko 19:00etan hasi da mobilizazioa Villabonako Errebote plazan. Herriko erdigunea igaro ondoren, Zizurkilgo Joxe Arregi plazan amaitu da martxa. Bertan Mugimendu Feministako kideak "gustura" agertu dira gaurko mobilizazioek izan duten erantzunarekin.
