Urteurren biribil hau ospatzeko, atzera begiratu eta egindako bidea aitortzeko egitarau zabala antolatu du Alkizako Udalak. Festaren barruan, Garbiñe Ubedak idatzitako “Alkiza, katebegi bat euskalduntzearen bidean” liburua aurkeztuko da eta Mondragon Unibertsitateko ikasleek ekoitzitako “Alkizako barnetegia. 1976-2026” dokumentala proiektatuko da.
Hona hemen bi egunetarako antolatu den egitarau osoa:
Irailak 18, ostirala
19:00etan, Ganbaran “Alkiza, katebegi bat euskalduntzearen bidean” liburuaren aurkezpena eta Alkizako barnetegiaren mende erdiko bilbidea laburbiltzen duen “Alkizako barnetegia. 1976-2026” dokumentalaren proiekzioa.
Irailak 19, larunbata
11:00-11:10 Sarrera hitzaldia, Ganbaran
11:10-11:25 Dokumentalaren proiekzioa, Ganbaran
11:30-13:00 Dantza saio herrikoia, plazan, Irune Arrizubietak gidatuta
18:00-18:50 Txondor Plaza antzezlana, plazan