Zuhaitz Gurrutxagaren ‘Nortasun agiria’ bakarrizketa

Otsailaren 6an Zuhaitz Gurrutxagak ‘Nortasun agiria’ bakarrizketa eskainiko du 22:00etan zinean. Egiazko bizipen pertsonaletan oinarrituko da eta, besteak beste, bikote harremanen hausturak sortutako minaz, euskaldun ona izateko zailtasunaz, edota Nahasmendu Obsesibo Konpultsiboaren gaitza pairatzeak sexu harremanetan eragin ditzakeen buruhausteez ariko da. Sarrerak 15:00etatik aurrera erosi ahal izango dira kultur etxean 10 euroan.