Harrijasotzaileen XVI. Txintxarri Saria

Urriaren 21ean harrijasotzaileen XVI. Txintxarri Saria jokatuko da Alegiako plazan. Gizonezkoen hiru bikotek hartuko dute parte: Urra eta Izeta IV batetik, Azpiazu eta Lartain bestetik eta azkenik Telleria IV eta Gari Garmendia.

Euskadiko txapelketako lau harri motarekin jokatuko da saria:

-125 kiloko errektangularra.

-125 kiloko kopa.

-112,5 kiloko kubikoa.

-100 kiloko bola.

Jaialdiaren hasieran, amaieran eta ariketen artean tartekatuta, emakumezkoak ere ariko dira plazan. Ainitze Zumeta eta Maddi Gesalaga harrijasotzaileen lana ikusteko aukera izango da.