Atzo arratsaldean ospatu zituzten VIII. Jakitea Sariak Adunako Zabala sagardotegian. Bertan, gastronomiaren arloan aritzen diren Euskal Herri osoko profesionalak bildu ziren.
Aurtengo sarituen zerrenda luzearen parte dira Tolosaldeko Balerdipeko Erleak proiektua eta Biko jatetxea. Lehenak, bertako ekoizle onenaren saria jaso zuen; eta bigarrenari, euskara sustatzeagatik aitortza egin zioten.
Jakitea Elkarteak antolatutako aitortza-ekitaldi honek helburu ditu euskal sukaldaritzan nabarmendu diren profesionalak aitortzea, tokiko produktuen eta gastronomia tradizionalaren balioa sustatzea eta ostalaritzaren eta gastronomiaren garapena bultzatzea.